<?xml version="1.0" encoding="UTF-8"?><song><title>Ʋno fehna kʋt Chisʋs a ƲIT54</title>
<lyrics>[V1]
 Ʋno fehna kʋt Chisʋs a̱
 In tʋshka sia hosh,
 Hochihi̱fot hikia hosh
 Taloho̱wa lishke.

[V2]
 Sa hofahya he keyushke:
 A̱ Mi̱ko Chisʋs ʋt
 Ʋm aiasha ikbi hocha
 Ʋba ya̱ ia tok.

[V3]
 Yʋmohmi tok o̱ inla yʋt
 Na̱ palʋmmi kia
 Pihi̱sa hocha, a̱ya hosh
 Ʋba ya̱ ona tok.

[V4]
 Yohmi pihi̱sa mʋhli hosh
 A hlopulli tok a̱
 Ʋno ak ocha nanta 'k o̱
 Anukfilli la wa.

[V5]
 Ʋba anumpa pulla ka
 Sa nukfoka hokʋt,
 Ʋm ʋlhpiesa 'k inli kʋt
 Holitobli lashke.

[V6]
 Aiahni bieka hocha
 Ʋm anukfilʋshke:
 Nitak kanima fehna ma,
 Sʋlla chi̱ hak inli.

[V7]
 Illi hosh a sʋm ʋhlikma,
 Klaist ʋt sʋsht ia ho̱,
 Shutik tʋbokaka fehna
 Pisa la hi oke.</lyrics>
<time_sig>C. M. 8.6.8.6.</time_sig>
<hymn_number>54</hymn_number>
<author>David Folsom</author>
<aka>Christian Fortitude</aka>
</song>